Saturday, June 6, 2009

ಪ್ರಾಗಭಾವದ ಪ್ರತಿಯೋಗಿ ಕಾರ್ಯ.

ಕಾಲವೊಂದರಲ್ಲಿ ಹಿಂದೆ , ಇದೇ ಮನಸ್ಸಿನಲ್ಲಿ
ಸತತ ಕಾರ್ಯ, ವರ್ಣ ಮಾಲೆಗಾಗಿ.
ಅಭ್ಯಾಸ ವರ್ಣ ಸ್ಥಿರತೆಗಾಗಿ.

ಮನ ಕಲಕುವ ನೆನಪುಗಳು,
ಬಾಲ್ಯದ ಬದುಕಿನ ಗಮ್ಮತ್ತು,
ಆಟದ ಮೈದಾನದ ವಿಶಿಷ್ಟ ದಿರಿಸಿನಲ್ಲಿ,
ಮಣ್ಣಿನಲ್ಲಿ ಬಿದ್ದು,
ಎದ್ದು ಓಡಿ ಆಡಿ ಹಿಡಿವ ಚೆಂಡು..
ಬಣ್ಣದಂಗಿ ಚಡ್ಡಿ,
ಕಿಸೆಯಲ್ಲಿ ನೆಲಗಡಲೆ,
ಅಮ್ಮ ಹಶಿವಿಗೆ ಕೊಟ್ಟದ್ದು.
ಎಲ್ಲ ಮಾಸದ ಸ್ಪಷ್ಟ ಬಿಳಿ ನೆನಪು.

ಎದುರಿಗೆ ಹಾರುತ್ತಿದ್ದ ಮಾಸ್ತರರ ಹುಣಸೆ ಬರಲು,
ಬಿದ್ದ ಪೆಟ್ಟಿಗೆ ಹುಯ್ದುಕೊಂಡಿದ್ದ ಉಚ್ಚೆಯ ಒದ್ದೆ,
ಅಪೂರ್ವಕ್ಕೆ ಕಪ್ಪು ಹಲಗೆಯ ಮುಂದೆ ನಿಂತು
ಬಿಗುಮಾನದಲ್ಲಿ ಮುದುರಿ,
ಕಣ್ಣರಳಿಸಿ ಹಾಡಿದ್ದು, ತಲೆಯಾಡಿಸುತ್ತಾ,
ಅಣ್ಣನು ಮಾಡಿದ ....

ಮಂಜಾದ ಕಣ್ಣ ಪರದೆಯ ಮೇಲೆ,

ಬಾಲ್ಯದ ನಾನು, ಆಹಾ...
ಅಂದಿತ್ತು ಪ್ರಾಗಭಾವ ಇಂದಿನದು..
ಇನ್ದದರ ಪ್ರಧ್ವಮ್ಸಾಭಾವ...
ಕಾರಣ - ಅಂದು ಇಂದಿಗೆ, ಇಂದು - ಕಾರ್ಯ, ನಾಳೆಗೆ..

ಕಾರಣದ ಪ್ರಭಾವದಲ್ಲಿ -

ಮರೆತಿಲ್ಲಪರದೆಯ ಮೇಲೆ
ಪರದೆಗಳು.. ತಂತುವಿನ ಮೇಲೆ
ತಂತುಗಳು... ಬಿಡಿಸಿ ತೆರೆ ತೆರೆದು
ಹಿಮ್ಮೇಳ ವೈಭವದ ಮೇಲು ಸವಿ ನೆನಪು...

ಶೂ ಇಲ್ಲದಿದ್ದರಾಗುವುದಿಲ್ಲವಿಂದು..
ಮರೆತಿಲ್ಲ ; ಬರಿಗಾಲ ಓಟ.
ಬೇಕೆ ಬೇಕು ಗರಿ ಗರಿ ಪ್ಯಾಂಟು,
ಮರೆತಿಲ್ಲ ; ಹೊಲೆದ ಚಡ್ಡಿ, ಅದರ ಹಳದಿ
ಬಣ್ಣ, ನೀಲಿ ಅಂಗಿ.
ಪಾಟಿಚೀಲದ ಒಳಗೆಲ್ಲ ಬಣ್ಣಬಣ್ಣದ
ಚಿತ್ರಗಳು. ಎಲ್ಲ ವರ್ಣಗಮ್ಯ.

ಇಂದೆಲ್ಲ ಶಬ್ದಗಮ್ಯ.

ವಿತಂಡದ ಆಳಗಳಲ್ಲಿ ಒಳಹೊಕ್ಕ

ಒಣ ಮಾತುಗಳು.

ಕೈಯಲ್ಲಿ "ದೀಪಿಕೆ"..

ಮನದಾಳದ ತರ್ಕಕ್ಕೆ

ಕಣ್ಣಿಗೆ ಕಾಣುವುದೆಲ್ಲ ದಿಟ್ಟ ವಾದಗಳು,

ಸಾಮ್ಯವೈಷಮ್ಯಗಳು

ಮೆದು ಗುಡ್ಡದ ತುತ್ತತುದಿಯಲ್ಲಿ

ನಿಂತು ಕೂಗುವುದು..

"ಕಾರ್ಯವು ಪ್ರಾಗಭಾವದ ಪ್ರತಿಯೋಗಿ,

ಅಸಾಧಾರಣತೆ

ಕಂಡಾಗ

ನೆನಪಾಗುವುದು ಕಾರಣ".